MIGUEL ANXO PRADO

O artista galego Miguelanxo Prado 

conseguiu este sábado o premio á mellor obra de autor español no 

XXXI Salón Internacional do Cómic de Barcelona 

polo álbum Ardalén. 

Despois de tres anos de intenso traballo Miguelanxo Prado lanzou o seu último álbum, Ardalén, unha historia de búsqueda do perdido, dos cariños que nunca se foron e que permanecen na memoria.
Esta obra é a última creación dun autor que triunfou no mundo enteiro coas súas historas intimistas e persoais. Ardalén é segundo as propias palabras de Miguelanzo Prado:

"Unha historia en torno á memoria persoal. A memoria como esencia da nosa existencia, da percepción da nosa propia vida, da nosa identidade. Pode soar filosófico pero, ao final, trátase dun puñado de seres humanos que se axudan e se fan dano uns a outros, algúns chegan a quererse e todos se aferran aos seus recordos para intentar evitar o naufraxio".

Miguelanxo Prado naceu na Coruña en 1958 e dende os anos 80 é un dos debuxantes e guionistas máis coñecidos do cómic estatal tanto dentro coma fóra do país. O seu traballo para a TVG como creador do personaxe principal do Xabarín Club e da súa posterior serie introduciuno no mundo da animación. En 1997 desenvolveu os personaxes da serie de debuxos animados Men in Black producida por Steven Spielberg. O seu álbum Trazo de xiz(clic) conseguiu un grande éxito en Francia onde aínda é venerado como un das mellores obras dos anos 90. O seu prestixio como autor internacional foi clave para o éxito de Viñetas dende ou Atlántico o festival que dirixe na Coruña dende 1998 e ao que acudiron como convidados algúns dos autores de cómic máis importantes das últimas décadas.