ENTREGA DOS PREMIOS DO CERTAME LITERARIO "CANDO REMATE ESTE PESADELO..."

Despois de tanto tempo, hoxe tocou entregar os premios ás gañadoras do certame de microrrelatos organizado pola biblioteca durante o confinamento. O certame que levaba por título "Cando remate este pesadelo..." contou coa colaboración do Concello de Meira e da Área de Cultura da Deputación de Lugo. Tamén colaboraron os CEIP Avelino Díaz de Meira e o CEIP Rosalía de Castro de Pol. A todos eles MOITAS GRAZAS.

E por suposto, PARABÉNS ÁS GAÑADORAS!!!

A continuación deixamos a acta do xurado e unhas fotos da entrega de premios.

ACTA DA REUNIÓN DO XURADO DO CERTAME LITERARIO “CANDO REMATE ESTE PESADELO...”

Sendo as 12:00 h do día 12 de xuño de 2020, na localidade de Meira, reúnense os membros do xurado para fallaren os premios do certame literario “Cando remate este pesadelo...”, convocado polo IES Pedregal de Irimia, do que forman parte:

 D. Óscar Trigo Abraira (vicedirector do IES Pedregal de Irimia)

D. Rubén Pol Valiño (responsábel do EDL do IES Pedregal de Irimia)

Dna. Josefa Rielo Fernández (profesora do CEIP Rosalía de Castro)

D. Eduardo Vijande Lombardía (profesor do CEIP Avelino Díaz)

Exercendo de secretario do xurado, sen voto, o responsábel da Biblioteca do IES Pedregal de Irimia D. Mario Outeiro Iglesias.

Logo das deliberacións pertinentes e das votacións oportunas, os membros do xurado conclúen declarar premiados no certame literario “Cando remate este pesadelo...” como segue:

CATEGORÍA: INFANTIL A (gañadoras “ex aequo”)

Iris Fernández García, pola obra “A nova vida de Marcos e Lucas”.

Arancha Fernández Mora, pola obra “Unha mensaxe de esperanza”.

CATEGORÍA: INFANTIL B

Deserto

CATEGORÍA: XUVENIL A

Deserto

CATEGORÍA: XUVENIL B

Deserto

CATEGORÍA: ADULTOS

Uxía Rodríguez Crecente, pola obra “Loitar e perder”.

E non habendo máis asuntos que tratar, levántase a sesión, cando son as 14:00 h do día 12 de xuño de 2020.